БИШКЕК, 6-мар. — Sputnik. Тиричилик буюмдарынын курамындагы айрым химиялык заттар эркекти тукумсуздукка алып келерин Medical Xpress журналына шилтеме берип "Известия" басылмасы жазды.
Мындай чечимге келүү үчүн Ноттингем университетинин окумуштуулары иликтөө жүргүзгөн.
"Кийим-кечек, электр жабдуулардын зымдары, килем жана оюнчуктун курамында кездешчү диоктилфталат, бифенил сыяктуу химиялык заттар эркектин бел суусуна терс таасир этет. Мунун аркасынан тукумсуздук дагы пайда болушу ыктымал", — деп жазылат макалада.
Адистердин айтымында, бифенил адамдын саламаттыгы үчүн өтө кооптуу зат деп айтылганына карабай, айрым өндүрүүчүлөр аны буюм-тайымды жасоодо кошуп жиберет.
