Жаңы-Жол айылында үчүнчү жыл катары менен хорсбол боюнча аймактык чемпионат өтүп, мыкты делген жергиликтүү команда суперфиналда француздар менен беттешти. Быйыл жалпысынан аялдардын, эркектердин командалары болуп алты команда катышты.
"Биримдик" командасы суперфиналга чыгып франциялык оюнчуларга 6:4 эсебинде утулуп калды.
23 Бирдин айы 2019, 19:45
Экинчи орунду "Кабылан" командасы ээлесе, коло байгеге "Улар" командасы татыды. Франциядан келген кыз-келиндердин командасы жарым финалда утулуп калып, үчүнчү орун үчүн ат салышуудан баш тартты.
Байгелүү орун алгандарга грамота менен акчалай сыйлыктар берилип, Франциядан келген командага кубок тапшырылды.
Хорсбол — Франциядагы спорттун түрү. Анда баскетбол менен регбинин элементтери камтылган. Болгону оюн ат үстүндө ойнолот. Атаандашынын алкакчасына көп топ таштаган команда жеңишке жетет. Ар бир командада төрттөн киши болуп, 10 мүнөттөн эки тайм ойношот.
