БИШКЕК, 18-фев. — Sputnik. Кыргызстан менен Өзбекстандын чек арасынан ичинде контрабанда товарлары салынган 10 кап табылды. Бул тууралуу Мамлекеттик бажы кызматынан билдиришти.
Каптарды Ош облусунун Кара-Суу районунун Кызыл-Кыштак айылындагы түштүк-батыш бажы бөлүмүнүн кызматкерлери эки өлкөнү бөлүп турган "Достук" өткөрүү пунктунан анча алыс эмес жерден табышкан.
Контрабанда на юго-западной таможне в селе Кызыл-Кыштак
© Фото / пресс-служба ГТС КР
Мүшөктөрдүн ичинде 500 миң сомдук футболка, фартуктар бар болуп чыккан. Аларды Өзбекстандан Кыргызстанга белгисиз адамдар алып киришкен.
