АЛМАТЫ, 1-фев. — Sputnik. Евразиялык экономикалык биримдикке кирген өлкөлөрдүн эркин соода зоналары аркылуу жаңы рынокторду тапса болот. Бул тууралуу ЕАЭБдин өкмөттөр аралык кеңешинде Казакстандын премьер-министри Бакытжан Сагинтаев билдирди.
Ал өкмөт башчылар менен ЕЭКтин көңүлүн Сингапур жана Сербия менен эркин соода аймагын түзүү боюнча келишимдердин аяктап бара жатканына буруп, Израиль жана Египетке дагы “жол” сала баштоону сунуштады.
Сагинтаевдин сөзүн Россиянын өкмөт башчысы Дмитрий Медведев кубаттады.
"Соода тармагындагы келишимдерди Сингапур, Египет, Израиль жана Индия менен тез арада түзүшүбүз зарыл", — деди Медведев.
Ал макулдашуулардын жыйынтыгы ЕАЭБдин ишинин эффективдүүлүгүнөн кабар берерин кошумчалады.
