БИШКЕК, 30-янв. — Sputnik. Президент Сооронбай Жээнбеков Коопсуздук кеңешинин жыйынында бир адам 41 лицензия алганын билдирди.
Мамлекет башчы жаратылыш байлыктары менен кендер калыбына келбей турган нерсе экенин унутпоо зарылдыгын эскертти.
"Ою түз инвесторлорду коргогондун ордуна башка максатты көздөгөндөр колдоо таап кетип жатат. Мага бир эле адам 41 "алтын" лицензия алганы тууралуу маалымат түштү. Бул Жер байлыгын пайдалануу агенттигинде коррупция бар экенин көрсөтөт", — деди президент.
Мамлекет башчы аталган лицензия кенди чалгындоого же казууга берилгенин так айткан жок.
