БИШКЕК, 30-янв. — Sputnik. Кыргызстандын президенти Сооронбай Жээнбеков Коопсуздук кеңешинин жыйынында тоо-кен тармагындагы салык коюмдарын өзгөртүү зарыл экенин айтты.
Ушу тапта өтүп жаткан жыйындын күн тартибинде жер байлыгын пайдалануу тармагындагы коопсуздук маселеси турат.
"Айрым өлкөлөрдө аталган тармактагы салык 15 пайыздан 50 пайызга чейин жетет. Кыргызстанда орточо 8-10 пайызды түзөт. Мындай абалды өзгөртүү керек", — деди Жээнбеков.
Өлкө башчынын айтымында, аталган тармактан мамлекеттик бюджетке 12 миллиард сом түшөт.
