Чуңкурчакта миграция жана гендердик маселелер боюнча жыйын өтүп жатат

Жазылуу
Аталган маселени элетте чечип көрүү үчүн Кыргызстандын эки башка тарабындагы эки айыл тандалган.

БИШКЕК, 27-янв. — Sputnik. Бишкектин чет жакасында Миграция процессин жана гендердик теңчиликтин маселесин жөнгө салуу боюнча лагерь уюштурулуп, элеттиктер окуудан өтүп жатат. Бул туурасында "Роза Отунбаеванын демилгеси" эл аралык коомдук фондусунан кабарлашты.

Иш-чара аталган фонд жаңыдан баштап жаткан гендердик теңчилик жана миграция маселелерин негизинен айылдарда чечүү максатын көздөгөн жаңы долбоордун алкагында өтүп жатат.

Бул үчүн Кыргызстандын эки башка тарабындагы эки айыл тандап алынган. Бири — Сузак районундагы Сузак айыл аймагы, экинчиси — Жети-Өгүз айылындагы Барскоон айыл аймагы.

Блогер, специалист по пиару, продюсер Азим Азимов - Sputnik Кыргызстан
Режиссер Азимов: "Ала качуудан" кийин босогодогу кемпирди аттап өткүлө дегендер болду
Долбоордун алгачкы этабында каралган кадамдарды ишке ашыруу үчүн Бишкектен алыс эмес жерде жайгашкан Чуңкурчак капчыгайында эки күндүк лагерь уюштурулуп, ишин баштады.

Ага Сузак менен Барскоон сынамык айылдарынын жергиликтүү өз алдынча башкаруу бийлигинин өкүлдөрү, айыл активисттери, айыл аймактарынын лидерлери катышууда.

Лагердин катышуучулары миграция жана гендердик маселелер боюнча, алардын ыкмаларын ишке ашыруу жаатында өздөрүнүн иш-тажрыйбаларын, билимин жогорулатууга мүмкүнчүлүк алмакчы.

Долбоорду миграция боюнча иш алып барган эл аралык уюм каржылап жатканы айтылды.

Лагерь ишин эртең, 28-январда, жыйынтыктайт.

Жаңылыктар түрмөгү
0