RIACaseCup долбоорунун алкагында жаштардын үнүн уккан аянтча түзүп жатабыз. Ал жерде катышуучулар мамлекеттик көйгөйлөрдү чечүү жолдорун карап, калыстарга айтып беришет. Бул тууралуу Бегимай Мырзахматова Sputnik Кыргызстан радиосунун "Ачык кеп" программасында маек куруп жатып билдирди.
Анын айтымында, долбоордон утуп чыккан команданын сунушу тиешелүү мекемелерге жиберилет.
"Бул долбоор үч жылдан бери уюштурулуп келе жатат. Ага жигердүү жаштардан куралган командалар катыша алат. Азыркы кезде каттоо жүрүүдө, 29-январда токтойт. ЖОЖдо билим алып жаткан бардык студенттерди катышууга чакырабыз. Долбоордун максаты — жаштардын аналиталык ой жүгүртүү деңгээлин жогорулатуу. Иш-чаранын жүрүшүндө күчтүү адистер лекция окуп, студенттерге кантип туура ой жүгүртүп, көйгөйдү чечүүнүн жолдорун талдаганды үйрөтөт. Андан соң мамлекеттик жана ишкерлик жаатындагы көйгөйлүү маселелерди кантип чечсе болорун аныктап, калыстарга катышуучулар айтып берет. Жыйынтыгында мыкты деп табылган команданын сунушу тиешелүү мекемеге жиберилет", — деди долбоордун координатору.
Ал кыргыз жаштары аналитикалык ой жүгүртүүдөн аксап келерин кошумчалады.
