БИШКЕК, 19-янв. — Sputnik. Президент Сооронбай Жээнбеков өлкөнүн Куралдуу күчтөрүнө төрт адамды жаңы кызматка дайындады. Бул тууралуу өлкө башчынын маалымат кызматынан кабарлашты.
— Нурлан Кирешеев Куралдуу Күчтөрүнүн Кургактагы аскерлеринин командачысы кызматынан бошотулуп, анын ордуна Алмазбек Карасартов дайындалды;
— Кирешеев Куралдуу Күчтөрүнүн Генералдык штабынын башчысынын биринчи орун басары болуп бекитилди;
— Талантбек Эргешов Улуттук гвардиянын командачысы болуп дайындалды;
— Акылбек Ибраев КР Коргоо иштери боюнча Мамлекеттик комитетинин төрагасынын орун басары болду.
