Согушкерлер Баткен аймагына 1999-жылга чейин эле уста, куруучу катары акырындап отурукташа баштаган. Бул тууралуу Улан Орозалиев Sputnik Кыргызстан радиосунун Баткен согушунун 20 жылдыгына арналган эфиринде маек куруп жатып билдирди.
Анын айтымында, убакыт-сааты келгенде баягы отурукташып калган согушкерлер курал кармап, Баткен аймагы аркылуу Өзбекстанга өтүп, Орто Азия чөлкөмүнө халифат орнотуу максатын көздөшкөн.
"Баткен согушу боюнча даректүү тасма бар, чалгындоо базасынын маалыматы боюнча Баткен аймагына кирип келген согушкерлердин саны 1500 адамды түзгөн. Алар 1999-жылга чейин эле аймакка уста, үй куруучу болуп, акырындап жергиликтүү тургундар менен аралаша баштаган. Убакыт-сааты келгенде алар колуна курал кармашты. Ага чейин согушкерлер тымызын даярданып жүрүшкөн. Андыктан согушкерлер чек араны бузуп, кол салды деген туура эмес. Бул тууралуу даректүү тасма, атайын сүрөттөр даярдалып, биз аларды мектеп окуучуларына көрсөтүп, мекенди сүйүүнү, патриоттук сезимдин жаралышын пайда кылуунун аракетин көрүп келебиз. Даректүү тасма, сүрөттөрдү көргөндөн кийин балдар бизге жакындап, кызыккан суроолорун бере башташат", — деди Акматов.
Ал ошондой эле Баткен согушуна 18-19 жашында чакырылганын, согуштан биринчи топтогу майып болуп калгандыгын кошумчалады.
