БИШКЕК, 11-янв. — Sputnik. Бишкек мериясы маршруткадагы жол кире акысын 12 сомго көтөрүүнү сунуштады. Бул тууралуу борбор калаанын вице-мэри Максим Ситников журналисттерге билдирди.
Анын айтымында, бул демилгени эми шаардык кеңеш карап чыгышы керек.
"Маселе бышып жетти окшойт. Бирок бүгүн чечим чыгарып, эртең тарифти жогорулатып жиберүү мүмкүн эмес. Биз жол кирени эки сомго жогорулатууну сунуштадык. Маршрутка айдоочулары мындан сырткары, экинчи катардан кайрылып, жүргүнчүлөрдү каалаган жерден алып, түшүрүүнү суранышты. Биз муну дагы карап жатабыз", — деди Ситников.
Эртең, 12-январда, Бишкекте маршрутка айдоочулары митингге чыгышы мүмкүн.
