Радиостудия Sputnik Кыргызстан в Бишкеке - Sputnik Кыргызстан
Радио

Жолдошев: инспектор айдоочуга жардам көрсөтүүгө милдеттүү

© SputnikКыргызстандагы эл аралык бейтарап соттун инвестициялык талаш-тартыштар боюнча директору Жоомарт Жолдошев. Архивное фото
Кыргызстандагы эл аралык бейтарап соттун инвестициялык талаш-тартыштар боюнча директору Жоомарт Жолдошев. Архивное фото - Sputnik Кыргызстан
Жазылуу
Кыргызстандагы эл аралык бейтарап соттун инвестициялык талаш-тартыштар боюнча директору Жоомарт Жолдошев инспектор анын ишине айдоочу канаааттанбаса кайсы инстанцияга кайрылса болорун өзү айтышы керектигин маалымдады.
Жолдошев: инспектор айдоочуга жардам көрсөтүүгө милдеттүү

Инспектор кандайдыр бир пландык же өзгөчө кырдаалдагы текшерүү жүрүп жатпаса, эреже бузбаган учурда айдоочуну токтотууга акысы жок. Бул тууралуу Жоомарт Жолдошев Sputnik Кыргызстан радиосунун  эфиринде маек куруп жатып билдирди.

Анын айтымында, инспекторлор айыптоочу эмес, көзөмөлдөөчү орган кызматкерлери экендигин эсинен чыгарбашы зарыл.

"Автоинспектор жол кыймылы коопсуздугун камсыздайт. Бирок көп учурда жол эрежелерин бузган айдоочуну жазалоочу тарапка айланып кетет. Ал унааны токтоткондон кийин айдоочуга басып келип, өзүн тааныштырып, эмне себептен токтоткондугун, эгер эреже бузуу болсо кайсы берененин кайсы пункту бузулганын так, кыска түшүндүрүп берүүсү зарыл. Айдоочу медициналык жардамга муктаж болсо же бир нерсеге тынчсызданып, коркуп турганын көрсө, алгач аны тынчтандырып, андан соң гана бузган эрежесин түшүндүрүшү керек. Ал эми айдоочунун автоунаасында көйгөй жаралып, техникалык жактан көмөк бериш керек болсо да алгачкы жардамды көрсөтүү инспектордун милдети жана медициналык биринчи жардам берүүгө дайыма дары кутучасы жанында болушу керек, айдоочу аны талап кылууга укугу бар. Мындан сырткары, эгер айдоочу анын ишине нааразы болсо, кимге, качан кайрылса болорун инспектор өзү маалымдашы керек", — деди Жолдошев.

Ал жол эрежеси бузулган учурда акча менен маселени жеринде чечүү айдоочу үчүн да, инспектор үчүн да жазага тартыла турган кылмыш экенин кошумчалады.

Жаңылыктар түрмөгү
0