Эне да... Өлгөн баласын кучактап сыздаган маймылдын видеосу

Жазылуу
Индиянын Раджастхан штатынын Рантхэмбхор улуттук паркында турист жүрөк ооруткан окуяга күбө болду. Ал кадрдан маймыл жаңы туулган баласы өлүп калганына ишенбей койнуна кысып, тамак берүүгө аракет кылып жатканын көрүүгө болот.

Жаныбар экенине карабай жансыз жаткан баласын таштап кетип калган эмес. Башка шериктери келип кадимкидей кейип, энени сооротууга аракет кылганын да көрүүгө болот.

"Мен бул видеону тээ алыстан тартып алдым. Маймыл баласы өлүп калганын билген, бирок ал муну кабыл алып, ишенүүгө даабай турду. Бул учурда тартып жатып көзүмө жаш тегеренди. Ар бир эне үчүн баласын жоготуу өтө оор экенин билебиз. Бүгүнкү көргөнүм —жаныбарлар да адамдар сыяктуу эле кайгы тартарына дагы бир ирет ынандырды", — деп жазган Арчна Сингх.

The Daily Mail агенттиги маймылдын баласы 50 градус ысыкка чыдай албай өлүп калганын жазат.

Жаңылыктар түрмөгү
0