БИШКЕК, 28-дек. — Sputnik. Эртең, 29-декабрда, өлкө аймагында жаан-чачын күтүлбөйт. Бул тууралуу Кыргызгидромет билдирди.
Маалыматка ылайык, ишемби күнү жолдор тоңголок, тайгак болуп, түштүк чыгыштан соккон шамалдын ылдамдыгы секундасына 4-9 метрге жетет.
Ал эми жекшемби күнү, 30-декабрда, түнкүсүн Чүй, Жалал-Абад, Ош облустарынын тоолуу райондорунда кар жаайт, ал эми калган аймактарда жаан-чачын күтүлбөйт. Батыштан соккон шамалдын ылдамдыгы секундасына 4-9 метр, Чүй, Талас, Ысык-Көл облусунда 15-20 метрге чейин жетиши мүмкүн.
