БИШКЕК, 18-дек. — Sputnik. Эгерде жаңы эрежелер күчүнө кирсе, ата-эне чет өлкөгө кетээр алдында өзүнүн балдарын башка бирөөгө ишеним кат менен таштап кетиши зарыл болот. Ташталган балдардын маселеси туурасында Бириккен Улуттар Уюмунун социалдык коргоо боюнча адиси Елена Заиченко айтып берди. Бул темада Sputnik Кыргызстан агенттигинин мультимедиалык борборунда өткөн тегерек стол "Кыргызстанда мигранттардын балдарын кантип коргоо керек?" деп аталды.
Анын айтымында, өлкөдөгү ар бир тогузунчу баланын энеси же атасы чет өлкөдө.
"Биз ата-эне кызына же уулуна ишеним кат жазып берип, анысы жергиликтүү бийлик органында катталышы керек деп жатабыз. Ал үй-бүлөдө баланын кандай жашап жаткандыгын мамлекет билип турушу керек", — деди ал.
"Кеп бөбөктүн медициналык бекер тейлениши, билим алуу жана бала бакчага баруу мүмкүнчүлүгү боюнча болуп жатат. Себеби документсиз баланы эч жер бекер карабайт", — деди ал.
Жогорудагы демилгени көтөргөндөр ишеним кат бекер берилерин айтты.
