БИШКЕК, 14-дек. — Sputnik. Бишкекте армрестлинг (кол күрөш- ред.) спорту боюнча Кыргызстандын кубогу өтөт. Бул туурасында Sputnik Кыргызстан маалымат агенттигине уюштуруучулар билдирди.
Мелдеш эртең, 15-декабрда, борбордогу Кожомкул атындагы Спорт сарайында өтөт.
"Байгелер эркектер, аялдар жана ардагерлер арасында ойнотулат. Ошондой эле ден соолугунан мүмкүнчүлүгү чектелгендер да катыша алат. Турнирдин жеңүүчүлөрү курама командага кошулат", — деп айтылат маалыматта.
Уюштуруучулар — спорттун олимпиадалык эмес түрлөрү боюнча дирекция менен КРдин Армрестлинг федерациясы.
