БИШКЕК, 12-дек. — Sputnik. Бишкек шаардык кеңеши мэриянын структурасын бекиткенин маалымдады.
Муниципалитеттин жаңы структурасы борбордук аппараттан, 19 түзүмдүк бөлүктөн, райондор боюнча 4 муниципалдык администрациядан, 22 жергиликтүү аймактык башкармалыктан, социалдык өнүктүрүү боюнча төрт райондук башкармалыктан, төрт билим берүү борборунан, 17 субъектиден турат.
Структурадагы жаңы бөлүмдөр менен ишканалар:
— Экономика жана инвестиция департаменти;
— Шаар куруу жана архитектура департаменти;
— Ички аудит башкармалыгы;
— "Бишкекреклама", "Шаар парктары" жана "Унаа токтотуучу жайлар" муниципалдык ишканалары.
Турак жай-коммуналдык чарба башкармалыгы шаар чарбасы департаменти болуп өзгөрсө, Саламаттык сактоо системасын камсыздоо башкармалыгы Саламаттык сактоо башкармалыгы болуп аталат.
