Биринчи май району десе эле кооз имараттарды, калаанын борбордук бөлүгүн элестете беришет. Биздин районго караган дагы 16 жаңы конуш бар. Бул тууралуу Токтосун Султанов Sputnik Кыргызстан радиосунун эфиринде маек куруп жатып билдирди.
Анын айтымында, жаңы конуштардын эң алысы райондон 35 чакырым аралыкта жайгашкан.
"Биринчи май району Бишкектин борбордук бөлүгүн камтыганы менен карамагына 16 жаңы конуш, бир кичирайон кирген. Жалпысынан 21 мектеп, 14 бала бакча бар. Калкынын саны Улуттук статистикалык комитеттин берген маалыматы боюнча 204 миң, бирок иш жүзүндө 209 миңге жетти. Райондун башкы көйгөйлөрүнүн бири болуп, бала бакча, мектептердин жетишсиздиги саналат", — деди Султанов.
Ал райондогу чарбалык көйгөйлөргө карабай эли ынтымактуу жана мекенчил экендиги менен сыймыктанарын кошумчалады.
