"Алтын топтун" жаңы ээси табылды. Роналду менен Месси ээрден оодубу?

© AFP 2023 / FABRICE COFFRINIАлтын топ. Архив
Алтын топ. Архив - Sputnik Кыргызстан
Жазылуу
Бул 33 жаштагы футболчунун карьерасындагы алгачкы "Алтын топ".

БИШКЕК, 4-дек. — Sputnik. Хорватиялык футболчу, "Реал Мадрид" клубунун жарым коргоочусу Лука Модрич биринчи жолу "Алтын топ" сыйлыгына ээ болду. Бул тууралуу Р-Спорт жазды. 

Товарищеский матч по футболу между сборными Кыргызстана и Ливана - Sputnik Кыргызстан
Кыргызстандын футбол командасы FIFA рейтингинде бир тепкичке көтөрүлдү
Сыйлыкты француздардын "France Football" журналы жылдын мыкты оюнчусуна ыйгарат.

Модрич бул жылы "Реал" менен Чемпиондор лигасынын жеңүүчүсү болуп, өз өлкөсүнүн курамында Дүйнө чемпионатынын финалына чейин жеткен.

Бул сыйлыкты 11 жылдан бери Аргентина курамасынын форварды Лионель Месси менен португалиялык чабуулчу Криштиану Роналду эч кимге бербей келишкен.

"Мен бактылуумун. Бала кезден эле чоң клубда ойноп, көп сыйлыктарды алгым келчү. Ал эми "Алтын топ" мен үчүн жөн гана сыйлык эмес. Абдан сыймыктанып жатам", — деди футболчу.

Аталган сыйлыкка көрсөтүлгөн 30 футболчунун ичинен 10 мыктынын катарына киргендер:

— Лука Модрич, "Реал";
— Криштиану Роналду, "Реал"/"Ювентус";
— Антуан Гризманн, "Атлетико";
— Килиан Мбаппе, "Пари Сен-Жермен";
— Лионель Месси, "Барселона";
— Мохамед Салах, "Ливерпуль";
— Рафаэль Варан, "Реал";
— Эден Азар, "Челси";
— Кевин де Брюйне, "Манчестер Сити";
— Харри Кейн, "Тоттенхэм".

"Алтын топ" France Football журналы тарабынан 1956-жылы негизделген.

Жаңылыктар түрмөгү
0