Маданият тармагында чыныгы фанаттар гана иштеп келет. Бул тууралуу Жетиген Чалапинов Sputnik Кыргызстан радиосунун таңкы эфиринде маек куруп жатып билдирди.
Анын айтымында, айлыгы аз жумушта өз кесибин сүйгөн гана кызматкерлер иштейт.
"Чынын айтканда, маданият кызматкерлеринин социалдык абалы начар. Анткени айлык маянасы аз. Ошондуктан жаштар кесиби боюнча эмес, башка жумуштарды жасап жүрөт. Чет жакка иштеп кеткен адистер да жок эмес. Маданият тармагында чыныгы өз кесибин сүйгөндөр гана иштеп келет. Үстүбүздөгү жылдын октябрь айында маянабыз жогорулап, маанайыбыз көтөрүлүп калды. Мындай көрүнүш жаштарга да дем-күч берип, чет өлкөгө кеткендердин саны азайышы мүмкүн", — деди эмгек сиңирген ишмер.
Чалапинов маданият өкүлдөрү өзгөлөргө өрнөк болушу шарт экенин кошумчалады.
