БИШКЕК, 24-ноя. — Sputnik. Бишкек — Ош унаа жолу автомашиналар үчүн убактылуу жабылды. Бул тууралуу Sputnik Кыргызстан агенттигине ЖКККББнын маалымат катчысы Тилек Оторов билдирди.
ӨКМдин маалыматына караганда, саат 15.40тар чамасында жолдун 127-чакырымына миң куб метрге жеткен кар көчкү түшкөн.
"Айдоочулардан жолго эртең чыгууну суранабыз. Биздин Жалал-Абад, Кара-Балта жана Сокулуктагы кызматкерлерибиз айдоочуларга эскертүү берип жатат", — деди Оторов.
Чектөө "Сосновка" менен "Арал" бекеттерине киргизилди.
