БИШКЕК, 20-ноя. — Sputnik. Кыргызстандын президенти Сооронбай Жээнбеков 20-ноябрь күнү өлкөнүн экс-премьер-министрлери жана мурдагы төрагалары менен жолукту.
Иш-чарага болгону тогуз мурдагы премьер келген. Sputnik Кыргызстан агенттиги калгандары кайда экенин тизмектеди.
Кыргызстандын тарыхында канча премьер-министр болгон
Учурдагы өкмөт башчы Мухаммедкалый Абылгазиев 22-премьер-министр. Бирок Курманбек Бакиев менен Алмазбек Атамбаев өкмөттү эки ирет башкаргандыктан, жалпысынан 20 премьер. Дагы бир нече инсан өкмөт башчынын милдетин аткарса, Роза Отунбаева убактылуу өкмөттү жетектеп турган.
Бүгүнкү жыйынга кимдер катышты
— Турсунбек Чынгышев;
— Апас Жумагулов;
— Кубанычбек Жумалиев;
— Амангелди Муралиев;
— Феликс Кулов;
— Азим Исабеков;
— Игорь Чудинов;
— Жоомарт Оторбаев;
— Темир Сариев.
Көзү өтүп кеткен премьерлер
УКМКнын тергөө абагындагылар менен изделип жаткандар
Сапар Исаков (2017-жылдын август айынан 2018-жылдын апрелине чейин) менен Жантөрө Сатыбалдиев (2012-жылдын сентябрь айынан 2014-жылдын март айына чейин) ТЭЦти модернизациялоо иши боюнча айыпталып тергөө абагында жатат.
Аскар Акаев учурундагы акыркы премьер-министр Николай Танаев (2002-2005) "Кумтөр" боюнча Кыргызстандын кызыкчылыгын эске албастан келишим түзгөн деп айыпталып, издөө жарыяланган. Экс-премьер Россияда жашайт.
Дагы бир экс-өкмөт башчы Өмүрбек Бабанов чет өлкөдө жүрөт (2011-2012).
Өмүрбек Бабанов улут аралык жаңжалды козутууга айыпталып, ага карата кылмыш иши козголгон. Саясатчы ал маалда өлкө аймагында болгон эмес, кийинчерээк саясаттан кетип, Жогорку Кеңеш депутатынын мандатынан баш тарта турганын жар салган. Андан кийин бир иши боюнча тергөө токтотулган.
Сыртынан камакка алынгандар
Бакиевдин учурундагы акыркы премьер-министр Данияр Үсөновго (2009-жылдын декабрь айынан 2010-жылдын апрелине чейин) бир нече айып тагылып, сыртынан өмүр бою кесилген. Учурда атын Даниил Урицкий деп өзгөртүп алып Белоруссияда жашап жүрөт.
Башка премьер-министрлер
Алмазбек Атамбаев 2007 жана 2010-2011-жылдары өкмөттү башкарган. Анын учурдагы президент менен мамилеси суз. 2016-2017-жылдары өкмөттү азыркы мамлекет башчы Сооронбай Жээнбеков жетектеп турган.
