Мушкерлер 10-ноябрда борбордо өткөн WEF Global 14 жана Arzalet FCG биргелешкен турниринин алкагында 84 килограмм салмакта күч сынашты.
Бразилиялык мушкер жиу-житсу боюнча кара курдун ээси болгондуктан өзбек мушкерин биринчи раундда эле партерге (күрөш ыкмалары. — ред.) жыккан, бирок төртүнчү раундга келгенде Соуза адатынча атаандашынын бутуна кирейин дегенде Рузибоев аны сокку менен тосуп алды. Рефери спортчу техникалык нокаут жасаганы үчүн жеңишти ыйгарды.
Рузибоев ММА боюнча 21 беттешти утуп, беш ирет жеңилген. Ал эми Соуза жети турнирди жеңип, биринчи жолу жеңилүү ызасын тартты.
