БИШКЕК, 9-ноя. — Sputnik. Кытайда дүйнөдө биринчи жолу жасалма интеллект базасында иштеген виртуалдуу теле алып баруучу тартууланды.
Виртуалдуу дикторду "Синьхуа" мамлекеттик маалымат агенттиги кытайлык Sogou интернет-компаниясы менен биргеликте иштеп чыккан.
Xinhua's first English #AI anchor makes debut at the World Internet Conference that opens in Wuzhen, China Wednesday pic.twitter.com/HOkWnnfHdW
— China Xinhua News (@XHNews) 7 ноября 2018 г.
Кибер журналист Чжэцзян провинциясынын Учжэнь шаарында өткөн Интернет башкаруу боюнча дүйнөлүк конференциясында коомчулукка тартууланган. Программага мисал катары Кытайдын белгилүү теле алып баруучусу Цю Хаонун образын алышкан.
Иштеп чыгуучулардын айтымында, мындай жасалма интеллект адамды туурап, анын манерасы менен сүйлөп, кол жаңсап, үнүн жана эмоциясын берип, ошол эле учурда жаңылбай сүйлөйт. Виртуалдуу диктор күнү-түнү, дем алышсыз иштей алат. Муну менен редакциянын жаңылык даярдоого короткон чыгымы азая турганын айтышат.
