9 Тогуздун айы 2018, 12:35
UFC уюмунун чемпиону Хабиб Нурмагомедов Дагестандагы күйөрмандары менен "Анжи" футбол клубунун стадионунда жолугушту. Ал күйөрмандарынын алдына чемпиондук куру менен чыкты.
Видеодон топтолгондор "артка жылгыла" дегенге карабай сахнаны көздөй жутунуп жатканын көрүүгө болот. Буга ызаланган Хабибдин жардамчысы, мушкердин бишкектик күйөрмандарын үлгү катары мисал кылды.
"3-4 ай мурда биз Хабиб Нурмагомедов менен Кыргызстанда Бишкек шаарынын тургундары менен жолугушуу өткөргөнбүз. Ал иш-чарага 20 миң адам келген. Бирок ал жакта бул жердегидей башаламандык болгон эмес! Келгиле өзүбүздүн жердешибизге урмат-сый көрсөтөлү", — деди мушкердин жардамчысы.
Хабиб Нурмагомедов UFC уюмунун Лас-Вегаста өткөн турниринде Макгрегорго муунтуу ыкмасын колдонуп жеңишке жеткен.
