40 секундда жайлады! Мелис Турганбаевдин дүйнө чемпионатындагы кармашынын видеосу

Жазылуу
Кыргызстандык ардагер балбан атаандашын 40 секунддун ичинде жеңип алган.

Мурдагы ички иштер министри Мелис Турганбаев эркин күрөш боюнча ардагерлер арасындагы Дүйнө чемпионатынан коло медаль тагынды.

Аталган мелдеш Македониянын борбор калаасы Скопьеде өтүп жатат. Ардагерлер беш салмак категориясы боюнча күч сынашууда. Турганбаев 78 килограммга чейинки салмакта чыккан. Чейрек финалда россиялык Владислав Егоровду таза жеңиш менен утса, жарым финалда Франциянын Герарда Россо Санторо аттуу балбанына 6:0 эсебинде жеңилип калган. 

Как чемпиона мира по борьбе Бакирова встретили родители и фанаты. Видео - Sputnik Кыргызстан
Кубанган эне чемпион уулу Эрбол Бакировду бетинен сүйүп, бооруна кысты. Видео
Мындан улам үчүнчү орун үчүн беттешке чыгып Украинадан барган Сослов Адырхаев менен кез келген. Кыргызстандык спортчу кармаш башталганда 40 секунддун ичинде атаандашынын далысын жерге басып таза жеңишти камсыздады.

Мелис Турганбаев ушуну менен үчүнчү ирет дүйнө чемпионатына катышып, эки байгеге ээ болуп отурат. Ал мурдагы жылы коло алса былтыр алдыңкы орундарга жеткен эмес

Дүйнө чемпионатында өлкө намысын төрт ардагер балбан коргойт. Алар Кубан Эркимбеков (70 кг), Чынарбек Изабеков (100 кг) жана Талант Бегалиев (70 кг). Спортчуларды машыктыруучулар Сүймөнкул Табалды уулу менен Мейрамбек Ахметов коштоп жүрмөкчү.

Жаңылыктар түрмөгү
0