20-сентябрь күнү саат 14.00дө Sputnik Кыргызстан агенттигинде мультимедиалык маалымат жыйын өтөт.
ЖККУнун Бириккен штабынын начальниги Анатолий Сидоровдун брифингине Астана, Бишкек, Ереван жана Минск аянтчалары видео аркылуу байланышат. Анда "Согуш боордоштугу — 2018" аттуу машыгууларды өткөрүүгө башкаруу органдарынын жана ЖККУнун канчалык даяр болуп калганы талкууланат.
1-октябрдан 2-ноябрга чейин Борбор Азиядагы төрт өлкөнүн — Кыргызстан, Россия, Казакстан жана Тажикстандын аймагында "Согуш боордоштугу — 2018" деген аталыш менен машыгуулар өтөт.
Брифингдин алкагында ЖККУга мүчө өлкөлөрдүн аскердик коопсуздугуна коркунуч жараткан негизги көйгөйлөр, алдыга коюлган максаттар менен тапшырмалар жана машыгуулардын этаптары талкууланат. "Согуш боордоштугу — 2018" — ЖККУнун негизги иш-чараларынын бири болуп эсептелет.
Sputnik Кыргызстан агенттигинин мультимедиалык маалымат борборунун дареги: Бишкек шаары, Эркиндик проспектиси, 46 (Чүй проспектиси менен кесилишет).
Катталуу үчүн +996 312 98-60-27, +996 312 98-69-47 телефондоруна чалыңыз.
Sputnik Кыргызстан агенттигинде боло турчу маалымат жыйындары, чогулуштар тууралуу маалымат алып турам десеңиз a.valiev@sputniknews.com электрондук дарегине жазып коюңуз.
Урматтуу журналисттер, маалымат жыйындын жүрүшүндө катышуучуларга талкууланып жаткан теманын алкагында гана суроо берүүнү өтүнөбүз.
