БИШКЕК, 18-сен. — Sputnik. Улуу Британиянын канышасы Елизавета экинчинин күйөөсү, 97 жаштагы канзада Филипп Land Rover үлгүсүндөгү автоунаасын айдап баратканда папарацци сүрөткө тартып алганын The Sun басылмасы жазды.
Ага ылайык, сүрөт Абердиншир аймагындагы Балморал резиденциясына жакын жерден 15-сентябрда тартылган.
Басылманын жазышынча, канзада Филипп 24-июнда поло боюнча мелдешке баргандан бери элге чыга элек болчу.
Эске салсак, Филиппке 13-апрелде жамбаш муундарын алмаштыруу боюнча операция жасалган. Ага карабастан ал машина айдаган адатын калтырган эмес.
