БИШКЕК, 11-сен. — Sputnik. Бразилиянын Параиба штатындагы Жуан-Пессоа шаарындагы түрмөдөн дүйшөмбү күнү жүздөн ашык киши качып кеткенин РИА Новости TN24 телеканалына таянуу менен билдирди.
Жергиликтүү бийликтин маалымдашынча, камалып тургандарды качыруу үчүн куралчан кишилер келип, абактын дарбазасын сындырып, кароолчуларды аткылаган. Бир күзөтчүгө ок тийип, абалы оор экени айтылууда.
Учурда качып кеткендердин 55и кармалып, калгандарын издөө иштери жүрүп жатат. Бийлик окуянын чоо-жайын иликтөөдө.
