БИШКЕК, 28-авг. — Sputnik. Бүгүнтөн тарта Бишкек шаарында №6 троллейбус жүрө баштаганын мэрия билдирди.
Маалыматка ылайык, коомдук транспорт 8-кичирайондон Батыш автобекетине чейин каттайт. Жалпы жонунан троллейбус 20,7 чакырым жол жүрөт. Ушу тапта 11 унаа ишке кирди, алардын ортосундагы аралык 8-9 мүнөттү түзөт.
Мэрия бүгүнкү күндө калаа ичинде 126 троллейбус иштеп, айдоочулар жумушка эки сменде чыгып жатканын кошумчалады. Андан сырткары, күнүгө эртең менен жана түшкү тыныгуу учурунда ар бир троллейбус тазаланары айтылды.
