БИШКЕК, 27-авг. — Sputnik. ИИМдин Жол кыймылынын коопсуздугун көзөмөлдөө башкы башкармалыгы (ЖКККББ) Көчмөндөрдүн дүйнөлүк III оюндары жүрүп жаткан маалда "1262" атайын номери иштей турганын билдирди.
Маалыматка караганда, бул номерге чет элдик жарандар дагы кайрыла алат. Алар үчүн англис тилинде сүйлөгөн операторлор иш алып барат.
Бул жакка жарандар менен коноктор жол коопсуздугу, жолдор схемасы жана унаа токтотуучу жайлар боюнча маалымат алуу үчүн кайрылса болот.
Кызмат күнү-түнү иштейт.
