БИШКЕК, 22-авг. — Sputnik. Бейшемби күнү республиканын көпчүлүк аймактарында мезгил-мезгили менен жаан жаап, күн күркүрөшү күтулөт. Батыштан соккон шамалдын ылдамдыгы секундасына 4-9 метрге жете турганын Кыргызгидромет маалымдады.
Чүй менен Талас өрөөндөрүндө +24…+29 градус, Ош, Жалал-Абад жана Баткен облустарында +26…+31, Ысык-Көл облусунда жана Нарын аймагында +18…+23 градус жылуу болот.
Ал эми Бишкек менен Ош шаарларында күн күркүрөп, абанын температурасы Ош шаарында +28…+30, Бишкекте +25…+27 градус болору болжолдонду.
