БИШКЕК, 21-авг. — Sputnik. Ысык-Көлдө эс алып жүргөн өспүрүм Чолпон-Атанын борбордук пляжында чөгүп кетти. Бул туралуу ӨКМден билдиришти.
Маалыматка ылайык бир адам сууга чөгүп кеткени туурасында бүгүн, 21-августта саат 11.30да чакыруу түшкөн.
Аталган жайга үч куткаруучу жана эки суучул барган. Саат 12.15де баланын сөөгүн таап милиция кызматкерлерине өткөрүп беришкен.
Окуянын чоо-жайы тууралуу азырынча маалымат жок.
