БИШКЕК, 20-авг. — Sputnik. Өлкөдө жаан чачын болуп, абанын температурасы төмөндөйт. Бул тууралуу шашылыш билдирүүнү Кыргызгидромет таратты.
21-августтун түнүндө жана 22-август күнү Кыргызстандын көпчүлүк аймактарында маал-маалы менен нөшөрлөгөн жаан жаап, тоолуу райондордо карга айланышы мүмкүн.
Батыштан соккон шамалдын ылдамдыгы секундуна 4-9 метрге, Чүй, Талас, Ысык-Көл жана Нарын облустарында 15-20 метрге чейин жетиши ыктымал.
Ошондой эле бул күндөрү абанын табы төмөндөйт.
ӨКМ өзгөрүлмөлүү мындай аба ырайы автоунаа менен ары-бери каттамды, жайлоодо малды кармоону кыйындатарын айтты. Энергетика жана коммуналдык кызматтардын иши да татаалдай турганын кошумчады.
