Трамптын учагын жасалгалоого бир жылда 34 млн. доллардан ашык акча кеткен

БИШКЕК, 17-авг. — Sputnik. АКШ президенти Дональд Трамптын запаста турган эки учагын жасалгалоо үчүн Пентагон акыркы жылы 34 миллион доллар жумшаган. Бул туурасында РИА Новости Defense One порталына таянып кабарлады.

АКШнын аскер аба аскер күчтөрү Boeing компаниясы менен бир учактын мыкты жасалган интерьери үчүн келишим түзгөн. Анда аба кемесинин ичи сырдалып, буюм-тайымдар, VIP кабинасындагы креслолору менен килемдери жаңыланган.

Маалыматта Пентагондун келишиминин анонсунда учактардын "президенттик VC-25A секциясынын сырты көрүнүшүн оңдоп-түзөө" зарылдыгы айтылган.

VC-25A — Boeing 747 үлгүсүндөгү президенттик борттун аскерий аталышы.

Портал президенттин учактарын жаңылоого кеткен каражат тууралуу АКШнын аскер аба аскер күчтөрүнүн Конгресске жазган бюджеттик арыздарынын биринде да айтылбагандыгын белгилеген. Жөнөтүлгөн каттарда акча учактардын спутниктик байланышын, навигациялык жана керосинди газга айланткан системаларын жаңылоо үчүн суралган.

Басылма былтыр аба күчтөрү президенттин запастагы учагынын жаңы интерьери үчүн дагы 18 миң доллар короткондугун жазган.

Мындан сырткары, президенттин уктай турган бөлмөсү жана алтын фурнитуралар орнотулган Трамптын Boeing 757 үлгүсүндөгү менчик учагы бар.