БИШКЕК, 14-авг. — Sputnik. Мамлекеттик салык кызматы жер, транспорт жана турак жайлар боюнча салыкты төлөө мөөнөтү өткөндөн кийин рейд уюштурат. Бул туурасында аталган кызматтын басма сөз бөлүмүнөн кабарлашты.
1-сентябрда транспортко, ал эми 2-сентябрда турак жайга, батир, үйгө (ишкердик үчүн колдонулбаган жай) жана жерге (огород, бакча, үйдүн алдындагы аянттар) салык төлөө мөөнөтү аяктайт. Эгерде жарандар өз учурунда төлөбөсө, 2 миң сом айып пул салынып, туум чыгат.
Салыкты ар бир банктын кассасы, почта бөлүмдөрү, андан сырткары, терминалдар, интернет-кызмат жана мобилдүү банкинг аркылуу төксө болот.
Кененирээк маалыматты 194 телефон номери же sti.gov.kg сайтынан алууга болот.
Буга чейин 5-октябрдан тарта салыкчылар менен ИИМдин Жол кыймылынын коопсуздугун камсыздоо боюнча башкы башкармалыктын кызматкерлери салык төлөбөгөндөрдү текшерүү иштерин баштай айтышкан.
