БИШКЕК, 11-авг. — Sputnik. Жол кыймылы коопсуздугун камсыздоо башкы башкармалыгы 10-август күнү Нарындагы адам өмүрүн алган жол кырсыктын жаңы жагдайларын маалымдады.
Авариядан кийинки сүрөттөр социалдык тармакка тез тарап, колдонуучулар бири-бирин жолдо эрежени сактоого чакырышууда.
Не превышайте скорость! Пишут страшная авария близ города Нарын. Вот, что осталось от Гелика pic.twitter.com/pWT4vc4pWN
— Ruslan Karypbekov (@ruskarypbekov) August 11, 2018
Милициядан билдиришкендей, жол кырсыгы Нарын облусундагы Эчки-Башы айылында болгон. Анда G-классындагы Mercedes-Benz (Gelandewagen) КамАЗ алдында калып, эки киши мүрт кеткен. Жеңил унааны 36 жаштагы Бишкек шаарынын тургуну башкарып, ал эми алдыңкы орундукта анын 25 жаштагы тууганы, Эчки-Башы айылынын жашоочусу бараткан.
Маркумдардын сөөгү экспертиза үчүн моргго жеткирилип, тергөө амалдары башталды.
