Улуттук банктын төрагасы президентке сомдун туруктуулугу боюнча маалымат берди

© Пресс-служба президента КР / Султан ДосалиевПрезидент Сооронбай Жээнбеков принял Толкунбека Абдыгулова
Президент Сооронбай Жээнбеков принял Толкунбека Абдыгулова - Sputnik Кыргызстан
Жазылуу
Сооронбай Жээнбеков ишкерлер үчүн насыялардын үстөгүн мындан ары төмөндөтүү үчүн чараларды көрүү тапшырмасын берди.

БИШКЕК, 9-авг. — Sputnik. Мамлекет башчы Сооронбай Жээнбеков бүгүн, 9-августта өлкөнүн Улуттук банкынын төрагасы Толкунбек Абдыгуловду кабыл алды. Бул тууралуу президенттин маалымат кызматынан кабарлашты.

АКШ долларлары. Архив - Sputnik Кыргызстан
5 млн. доллар кредитти 2% үстөгү менен алуунун жол-жобосу. Пайдалуу маек
Билдирмеге караганда, Улуттук банктын төрагасы ишке ашырылып жаткан акча-кредиттик саясат, банк секторундагы азыркы абал, ошондой эле улуттук валютанын туруктуулугун камсыз кылуу боюнча көрүлүп жаткан чаралар тууралуу маалымат берген.

Ал ошондой эле мамлекет башчысына чакан ишкерликти өнүктүрүү жана колдоо үчүн ыңгайлуу шарттарды түзүү боюнча Улуттук банк тарабынан көрүлүп жаткан чаралар жөнүндө да айтып берген.

"Улуттук банктын "Кепилдик фонд" ААКсынын капиталына кирүүсү боюнча маселе каралды. Абдыгулов белгилегендей, "Кепилдик фондун" капиталдаштыруу региондордо берилип жаткан насыялардын санын жана көлөмүн көбөйтүүгө мүмкүндүк берет. Улуттук банк аталган фонддун капиталына кирүү үчүн тийиштүү мыйзам долбоору иштелип чыкты жана коомдук талкууга чыгарылган. Мындан тышкары, Абдыгулов Россия-Кыргыз өнүктүрүү фондусу тарабынан Улуттук банктын каражаттарынын эсебинен "Кепилдик фондго" 100 миллион сом насыя берилгенин белгиледи", — деп айтылат маалыматта.

Ал эми Сооронбай Жээнбеков ишкерлер үчүн насыялардын үстөгүн мындан ары төмөндөтүү үчүн чараларды көрүү зарылдыгын белгилеп, чакан бизнести насыялоонун көлөмүн арттыруу боюнча активдүү иш жүргүзүүнү тапшырды.

Жаңылыктар түрмөгү
0