Аталган завод борбор калаанын Москва жана Фучик көчөлөрүнүн кесилишинде жайгашкан. Өзгөчө кырдаалдар министрлигинин маалыматы боюнча жалын 1000 чарчы метр аянтты жалмады. Өрттү өчүрүүгө 5 унаа тартылган жана жеринде бир штаб иш алып барууда. Өрт таңкы саат 4.50 чамасында башталган, саат 10.50гө карата алынган маалымат боюнча жалын дагы эле чектөөгө алына элек. Бактыга жараша кырсыктан адамдар жаракат алган эмес.
Белгилей кетсек, ӨКМдин биринчи маалыматында ун чыгаруучу завод күйүп жатканы айтылса, кийинчерээк ал эт комбинаты экенин тастыкташты.
