Көчмөндөр оюндарынын Кырчын жайлоосунда өтчү маданий иш-чарасына катышуучулардын кийимдери 25-августка чейин даяр болот. Бул тууралуу Айдай Асангулова Sputnik Кыргызстан радиосунун таңкы эфиринде маек куруп жатып билдирди.
Анын айтымында, ДКОнун Кырчын жайлоосунда өтө турган маданий иш-чаранын катышуучулары да илгерки кийимдерди кийип келиши керектигин айтты.
"Аталган иш-чарада бир гана сахнада жүргөн актёрлор эмес, ага келген меймандарды да улуттук кийим кийип келүүгө чакырат элем. Анткени Кырчын жайлоосунда боз үйлөр тигилип, илгери ата-бабаларыбыз жашаган атмосфера чагылдырылмакчы. Ал жерде азыркыдай заманбап кийинип алсак иш-чаранын көркүн да бузуп коебуз. Ал эми театралдашкан иш-чаранын актёрлору жалпы 2 миңдей кишини түзүп, алардын кийимдери 25-августка чейин даяр болгону турат", — деди дизайнер.
Ал актёрлордун кийимдери жөнөкөй, илгеркидей образда тигилип баштаганын кошумчалады.
