БИШКЕК, 31-июл. — Sputnik. Милиция Баткен облусунда табылган дудук баланын тек-жайын тактап, туугандары менен жолугуштурду. Бул тууралуу облустук ички иштер башкармалыгынан кабарлашты.
Буга чейин укук коргоо органдары дудук бала табылганын жар салып, анын туугандарын табууга коомчулуктан жардам сураган.
"Бүгүн, 31-июлда, баланы эжеси келип алып кетти. Көрсө ал ден соолугунан жабыркап, акыркы эки жылда бир нече ирет жоголгон экен. Үй-бүлө Тажикстандын Кызыл-Кыштак айылында жашай турганы маалым болду", — деп айтылат билдирүүдө.
Милициядан маалымдашкандай, тестиердин энеси көп жыл мурун көз жумган. Учурда атасы жана улуу эжеси менен жашап келет, алар дагы дудук. Бала Баткенден табылганын эжеси Тажикстандын укук коргоочуларынан угуп келген. 11 жаштагы Нурбек бул убакыт аралыгында медиктер менен милициянын көзөмөлүндө болду. Учурда ал чек араны кантип кесип өткөнү такталып жатат.
