БИШКЕК, 28-июл. — Sputnik. Москва облусунун Домодедово районундагы трассада каттамга чыккан автобус аласалып кетти. Бул туурасында РИА Новости кабарлады.
Жол кырсыгы "Белые Столбы" деп аталган калктуу аймакка жакын Кашир шоссесине чейинки бурулушта кеч курун болгон.
"Автобустун айдоочусу рулду башкара албай калып, жолдун кырына кулаган", — деп айтылат маалыматта.
Минимум 8 человек пострадало в перевернувшемся в Подмосковье автобусе #Московскаяобласть #ДТП #ГИБДД #Соцсети #Дети #автобусhttps://t.co/4RgGdOVGuC pic.twitter.com/qGceRFVbde
— Cобытия дня в России (@smnewsru) 28 июля 2018 г.
Москва — Ижевск каттамы боюнча бара жаткан автобустун ичинде 27 жүргүнчү жана эки айдоочу болгон. Полициянын айтымында, 16 киши жабыркаган. Алардын арасында балдар жок.
РИА Новостинин тартип коргоо органдарындагы маалымат булактары автобус элдик ырлар менен бийлер боюнча ансамблдин артисттерин ташып бара жаткандыгын айтты.
