БИШКЕК, 23-июл. — Sputnik. Чүй облусуна караштуу Новопокровка айылындагы трассада жүк ташуучу микроавтобус Volkswagen Passat үлгүсүндөгү унаа менен кагышып, оодарылып калды. Бул тууралуу окуянын күбөсү Sputnik Кыргызстан агенттигине маалымдап, сүрөттөрүн жиберди.
Чүй облусуна караштуу Новопокровка айылындагы трассада жүк ташуучу микроавтобус Volkswagen Passat үлгүсүндөгү унаа менен кагышып, оодарылып калды
© © фото очевидца, отправленное по WhatsApp-каналу
Анын айтымына караганда, кырсык дүйшөмбү күнү саат 10.20лар чамасында болгон.
Жол кыймылы коопсуздугун камсыздоо башкы башкармалыгы окуя болгонун ырастап, микроавтобустун айдоочусу рулду башкара албай калгандыктан, жеңил унаа менен кагышканын маалымдады. Анын кесепетинен Volkswagen Passat автосундагы эки адам жабыркаган.
Милициядан билдиришкендей, жабырлануучулар жеңил жаракат алып, ооруканага өздөрү кетишкен
© © фото очевидца, отправленное по WhatsApp-каналу
Милициядан билдиришкендей, жабырлануучулар жеңил жаракат алып, ооруканага өздөрү кетишкен. Айдоочулар чыгымды өз ара чечишип алууну сүйлөшүшкөн.
