БИШКЕК, 20-июл. — Sputnik. Чоң Чүй каналына агып кетти деп изделип жаткан алты жашар Мишанын сөөгү табылды. Бул тууралуу ӨКМдин маалымат кызматы тастыктады.
"Сөөктү Чоң Чүй каналынын Новопавловка айылын аралап өткөн жерден жергиликтүү тургун көрүп калган. Жерине барган атасы баланын сөөгүн тааныды", — деп ӨКМден билдиришти.
Эске салсак, 13-июлда алты жашар Миша Чоң Чүй каналына түшүп кетип, ошондон бери аны ӨКМ куткаруучулары жана ыктыярчылар издеп таппай жатышкан.
