Бишкек шаарынын Юнусалиев менен Сухэ-Батор көчөлөрүнүн кесилишинде 2010-жылкы Апрель элдик революциясынан курман болгон баатырларга арналып мечит курулууда.
КСДП партиясынын расмий өкүлү Кундуз Жолдубаеванын айтымында, "7-апрель шейиттери" атындагы мечит мурдагы президент Алмазбек Атамбаевдин демилгеси менен 2015-жылдын апрель айында салынып баштаган.
Анын жалпы аянты 1 гектарды түзүп, мунарасынын бийиктиги 34 метрди түзөт. Архитектуралык дизайны өзгөчө имарат үч кабаттан туруп, ага 900дөн ашык адам батат.
Учурда курулуш иштери бүтө элек. Жолдубаеванын маалыматында, мечит август айынын соңунда Курман айтка чейин бүтүп ишке берилиши божомолдонууда.
