Москва: кыргызстандык жаран унаасы менен мамыны сүзүп, үч киши набыт болду. Видео

© Фото / АГН "Москва"ДТП с участием кыргызстанца на юго-востоке Москвы
ДТП с участием кыргызстанца на юго-востоке Москвы - Sputnik Кыргызстан
Жазылуу
Элчиликтин юристтери окуяны тактоо үчүн чыгып кетти.

БИШКЕК, 18-июл. — Sputnik. Москвада кыргызстандык таксист, эки жүргүнчүсү менен жол кырсыгына кабылып баары мерт болду.  Бул туурасында Россиядагы "Кыргыз биримдиги" коомдук уюмунун вице-президенти Улан Кошматов кабарлады. 

 

"Учурда мен ушул окуя боюнча Тергөө комитетинде жүрөм. Тактап чыктым каза болгон үч киши тең Кыргызстандын жарандары экен", — деди Кошматов.

Аталган кырсык тууралуу маалымат YouTube каналына жарыяланды. 

Бул боюнча Кыргызстандын Россиядагы элчилиги окуяны тактоо үчүн юристтер чыгып кеткенин билдирип, толук маалыматты кийинчерээк берүүнү убадалашты.

Ал эми РИА Новости агенттиги аталган жол кырсыгы Москванын түштүк-чыгыш тарабындагы Ташкент көчөсүндө 18-июлда таңкы саат 5.00дөр чамасында болуп, анын кесепетинен үч адам набыт болгонун жазды.

"Hyundai автоунаасын айдап бараткан киши Волгоград проспектисин көздөй Ташкент көчөсү менен бара жатып  автоунааны  башкара албай калып, жарык мамысын сүзгөн. Кырсыктын кесепетинен үч адам мүрт кетти. Алардын бири айдоочу, экөө жүргүнчү болгон", — деп билдирген Россия ИИМинин Москва шаардык башкармалыгы.

Аталган факты боюнча тергөө иштери жүрүп жатат.

Жаңылыктар түрмөгү
0