Саматов: акчасына карабай сапаттуу көчөт отургузуу зарыл
Баасы арзан деп сапатсыз көчөттөрдү отургуза берүү туура эмес. Бул тууралуу Манас Саматов Sputnik Кыргызстан радиосунун таңкы эфиринде маек куруп жатып билдирди.
Анын айтымында, сапатсыз көп бак тиккендин ордуна сапаттуу аз бак өстүрүү пайда алып келет.
"Кыргызстанга ар кайсы жактан көчөттөр алып келинет. Багбанчылык менен алектенген ишкерлер көчөдө сатылып жаткан эмес, эл аралык сертификаттарга ээ болгон гана дарактарды тигиши керек. Албетте, алардын баасы кымбатыраак болушу мүмкүн. Бирок каражаты жетишинче аз жерге болсо сапаттуу бак-дарактарды өстүрүү маанилүү", — деди Саматов.
Ал жер иштеткендердин көпчүлүгү жерин таштап чет жактарга кетип жатканын жана айдоо аянттары иштетилбей турганын кошумчалады.
