БИШКЕК, 9-июл. — Sputnik. "Ата-Бейит" тарыхый-мемориалдык комплексинин аймагындагы Чыңгыз Айтматовдун эстелигин реставрациялоо июлдун аягында башталат. Бул туурасында Архитектура, курулуш жана турак жай-коммуналдык чарба мамлекеттик агенттигинин маалымат кызматынан кабарлашты.
Эстелик реконструкциялана турган жайлардын тизмесине кирген. Ага каражат 2018-жылдагы бюджеттен каралган.
Эстеликтин мрамордон жасалган дубалдары, орундуктар, жазуучунун сөөгү жашырылган жердин гранит тосмосунун бир бөлүгү алмаштырылат. Буга 1,5 миллион сом каражат каралган.
Мындан сырткары, 1937-1938-жалдардагы репрессиянын курмандыктары көмүлгөн аймакта оңдоп-түздөө иштери жасалат.
