БИШКЕК, 4-июл. — Sputnik. Россиянын интернет-аукционунда "Баатыр эне" ордени сатыкка коюлуп, алгачкы наркы 8 миң рубль (8,6 миң сом) деп бааланды.
Орден "Баатыр эне" выставлена на российском интернет-аукционе со стартовой ценой в 8 тысяч рублей
© Фото / скриншот с сайта newauction.ru
Сүрөттөмөдө №600 ордендин салмагы 55 грамм жана жакшы абалда экендиги айтылат.
Кыргызстандын мамлекеттик сыйлыгы болгон "Баатыр эне" ордени менен жетиден ашык баланы төрөп жана татыктуу тарбия, билим бергендер сыйланат.
Орден күмүш жана мельхиордон алтын жалатылып жасалат. Диаметри 52 миллиметр. Биринчи категориядагы мамлекеттик сыйлыктардын катарына кирет. Кыргызстандын мыйзамдары боюнча мамлекеттик сыйлыкты соодалап жана сатып алгандар, алмашкандар же дагы башка жол менен бирөө-жарымга бергендер кылмыш жоопкерчилигине тартылат.
