Ушундай эле өнүгүү, алдыга жылуу журналистикада жана журналисттердин арасында да болуп жатат. Мурда жумасына бир-эки жолу чыккан гезиттер менен чектелип келсек, азыр интернеттин заманында жума эмес, секунд менен жарышып калган маал.
Кыргызстанда да кудайга шүгүр интернеттин өнүгүшү менен анын жаңы толкунунда келе жаткан ЖМКлар жок эмес.
Технологиянын өнүгүшү менен сүрөт жана кыска видеолор да окурмандар менен интернет колдонуучуларга жеткиликтүү болуп калды.
Жогоруда айтып кеткендей адам улам жаңы нерселерди өздөштүрүүсү зарыл. Бул замандын талабы, андан эч ким эч жакка качып кете албайт.
Мына ушул максатта эми мен видеоблогерликти да кошо алып кетүүнү чечтим. Бул багыт Кыргызстанда жаңы гана өнүгүп келе жатат. Ал эми кыргыз тилдүү блогерлер дээрлик жокко эсе экен. Мындан ары силерге шаардыктарды түйшөлткөн, кубанткан, таң калдырган видеолорду жарыялап турам. Ии, баса, алгачкы сынамык видеону жарыяладым. Бир карап көргүлө. Сунуш пикир, сын айткан бардык окурмандарга, интернет колдонуучуларга терең ыраазычылык.
Бул маалыматтарга көз чаптырып коюңуз.
Күндүн көзү дагы эки-үч күн ачылбайт.
Эмнеге 120 депутат мыйзам жазууга милдеттүү эмес?
Нарында жашап жаткан памирлик кыргыздардын тагдыры кандай болот? Аларды кайра Памирге кетет экен деген сөз канчалык туура?
Сулуу, жасанган кыздар эл өкүлүнүн көңүлүн калтырган окшойт. Исхак Масалиевден өзгөчө пикир.
Мунай баасы: Бишкекте орточо эсеп менен алганда АИ-95 үлгүсүндөгү май 47.00 сом, АИ-92 үлгүсүндөгү бензин 44.30 сом, ал эми дизель майы 45.00 сомдон сатылып жатат.
Доллар баасы: Сомдун баасы долларга карата орто эсеп менен 68.23.
Өзүңүздү өнүктүрүү үчүн акыркы жолу эмне жасадыңыз? Комментарийге жазыңыз.
Сиздин алдыга умтулушуңузду, өнүгүшүңүздү каалап Расул Үсөналиев.
